செம்புலம் என அழைக்கப்படுகிற நெய்வேலி, விருத்தாச்சலம், வடலூர், பண்ருட்டி பகுதிகளை உள்ளடக்கிய பகுதிகளில் உள்ள மக்களின் வாழ்வியலை அவர்கள் எதிர்கொள்ளும் பிரச்சனைகளை, இப் பகுதியின் தொன்மங்களை, வட்டார வழக்கின் அழகியலுடன் தன் எழுத்துக்களில் கொண்டு வருபவர் திரு.கண்மணி குணசேகரன். இவரின் “அஞ்சலை” புதினம் தமிழின் சிறந்த புதினங்களில் ஒன்றாகக் கொண்டாடப்படுகிறது. இவர் எழுதிய “நடுநாட்டுச் சொல்லகராதி” எனும் நூல் தமிழ்நாடு அரசின் தமிழ் வளர்ச்சித் துறையின் 2007 ஆம் ஆண்டுக்கான சிறந்த நூல்களில் அகராதி கலைக்களஞ்சியம், கலைச் சொல்லாக்கம், ஆட்சித் தமிழ் எனும் வகைப்பாட்டில் பரிசு பெற்றிருக்கிறது.

அஞ்சலை, நெடுஞ்சாலை, கோரை, வந்தாரங்குடி போன்றவை இவரின் குறிப்பிடத்தகுந்த நாவல்கள். உயிர்த்தண்ணீர், ஆதண்டார் கோயில் குதிரை போன்ற குறிப்பிடத்தகுந்த சிறுகதைத் தொகுப்புகளையும் எழுதியுள்ளார்.

செம்புலத்து மக்களின் வாழ்க்கையையும், போராட்டங்களையும் யதார்த்தத்துடன் தன் படைப்புகளில் கொண்டு வரும் செம்புலத்துப் படைப்பாளி திரு.கண்மணி குணசேகரன் அவர்களை நியூசெர்சி தமிழ்ப் பேரவை கொண்டாடுகிறது.